ਆਰਥਿਕ ਬੋਝ ਤੋਂ ਮਿਲੇਗੀ ਰਾਹਤ ਪ੍ਰਿੰਸੀਪਲਾਂ ਮੁਤਾਬਕ, ਜੇਕਰ ਇਹ ਯੋਜਨਾ ਲਾਗੂ ਹੁੰਦੀ ਹੈ ਤਾਂ ਵਿਦਿਆਰਥੀਆਂ ਨੂੰ ਬੋਰਡ ਪ੍ਰੀਖਿਆਵਾਂ ਅਤੇ ਮੁਕਾਬਲੇ ਵਾਲੀਆਂ ਪ੍ਰੀਖਿਆਵਾਂ ਦੀ ਤਿਆਰੀ ਵਿਚ ਤਾਲਮੇਲ ਬਣਾਉਣ ਵਿਚ ਕਾਫੀ ਆਸਾਨੀ ਹੋਵੇਗੀ। ਅਧਿਆਪਕਾਂ ਦਾ ਮੰਨਣਾ ਹੈ ਕਿ ਇਸ ਪਹਿਲ ਨਾਲ ਸਿੱਖਿਆ ਦੀ ਸਮਾਨਤਾ ਤੇ ਗੁਣਵੱਤਾ ਦੋਵਾਂ ਵਿਚ ਸੁਧਾਰ ਹੋਵੇਗਾ। ਨਾਲ ਹੀ ਵਿਦਿਆਰਥੀਆਂ ਤੇ ਮਾਪਿਆਂ ਨੂੰ ਮੁਕਾਬਲੇ ਵਾਲੀਆਂ ਪ੍ਰੀਖਿਆਵਾਂ ਦੀ ਤਿਆਰੀ ਲਈ ਵਾਧੂ ਆਰਥਿਕ ਬੋਝ ਤੋਂ ਵੀ ਰਾਹਤ ਮਿਲੇਗੀ। ਜਲਦੀ ਸੰਬੰਧਤ ਸਕੂਲਾਂ ਨੂੰ ਭੇਜਿਆ ਜਾਵੇਗਾ ਵਿਸਤ੍ਰਿਤ ਰੋਡਮੈਪ ਬੋਰਡ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਜਲਦੀ ਹੀ ਇਸ ਯੋਜਨਾ ਦਾ ਵਿਸਤ੍ਰਿਤ ਰੋਡਮੈਪ ਅਤੇ ਆਪ੍ਰੇਸ਼ਨਲ ਪ੍ਰਕਿਰਿਆ ਸਾਰੇ ਸੰਬੰਧਤ ਸਕੂਲਾਂ ਨੂੰ ਭੇਜ ਦਿੱਤੀ ਜਾਵੇਗੀ ਤਾਂ ਜੋ ਨਵੇਂ ਵਿੱਦਿਅਕ ਸੈਸ਼ਨ ਤੋਂ ਇਸ ਨੂੰ ਲਾਗੂ ਕਰਨ ਦੀ ਤਿਆਰੀ ਕੀਤੀ ਜਾ ਸਕੇ। ਅਧਿਆਪਕਾਂ ਦਾ ਇਹ ਵੀ ਸੁਝਾਅ ਹੈ ਕਿ ਸਕੂਲਾਂ ਵਿਚ ਕੋਚਿੰਗ ਦੇ ਨਾਲ-ਨਾਲ ਮੌਕ ਟੈਸਟ, ਆਨਲਾਈਨ ਸਰੋਤ ਤੇ ਮਾਹਰ ਅਧਿਆਪਕਾਂ ਦੀਆਂ ਮਾਰਗਦਰਸ਼ਨ ਕਲਾਸਾਂ ਵੀ ਲਗਵਾਈਆਂ ਜਾਣ ਤਾਂ ਜੋ ਵਿਦਿਆਰਥੀ ਪ੍ਰੀਖਿਆ ਦੀਆਂ ਕਠਿਨਾਈਆਂ ਤੇ ਪੈਟਰਨ ਤੋਂ ਪੂਰੀ ਤਰ੍ਹਾਂ ਜਾਣੂ ਹੋ ਸਕਣ।

ਨਵੀਂ ਦਿੱਲੀ :

ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ (ਸੀਬੀਐੱਸਈ) ਵਿਦਿਆਰਥੀਆਂ ਨੂੰ ਮੁਕਾਬਲੇ ਦੀਆਂ ਪ੍ਰੀਖਿਆਵਾਂ ਦੀ ਤਿਆਰੀ ਲਈ ਕੋਚਿੰਗ ਸੰਸਥਾਵਾਂ ’ਤੇ ਨਿਰਭਰ ਨਹੀਂ ਰਹਿਣਾ ਚਾਹੁੰਦਾ। ਇਸ ਲਈ ਬੋਰਡ ਨੇ ਨਵੀਂ ਯੋਜਨਾ ਤਹਿਤ ਆਪਣੇ ਸੰਬੰਧਤ ਸਕੂਲਾਂ ਵਿਚ ਹੀ ਤਿਆਰੀ ਦੀ ਸਹੂਲਤ ਦੇਣ ਦੀ ਰੂਪਰੇਖਾ ਤਿਆਰ ਕੀਤੀ ਹੈ। ਸੀਬੀਐੱਸਈ ਦੇ ਸੂਤਰਾਂ ਮੁਤਾਬਕ, ਬੋਰਡ ਦੀ ਇਕ ਕਮੇਟੀ ਨੇ ਸੁਝਾਅ ਦਿੱਤਾ ਹੈ ਕਿ ਸਕੂਲਾਂ ਵਿਚ ਵਿਸ਼ੇਸ਼ ਸੈਂਟਰ ਫਾਰ ਐਡਵਾਂਸਡ ਸਟਡੀਜ਼ ਸਥਾਪਿਤ ਕੀਤੇ ਜਾਣ ਜਿੱਥੇ ਵਿਦਿਆਰਥੀਆਂ ਨੂੰ ਜੇਈਈ ਮੇਨਜ਼, ਨੀਟ-ਯੂਜੀ ਅਤੇ ਸੀਯੂਈਟੀ-ਯੂਜੀ ਦੀ ਦਾਖ਼ਲਾ ਪ੍ਰੀਖਿਆ ਦੀ ਕੋਚਿੰਗ ਨਿਯਮਿਤ ਪੜ੍ਹਾਈ ਦੇ ਨਾਲ-ਨਾਲ ਮੁਹੱਈਆ ਕਰਵਾਈ ਜਾਵੇਗੀ।ਬੋਰਡ ਦੇ ਅਧਿਕਾਰੀਆਂ ਮੁਤਾਬਕ, ਇਸ ਕਦਮ ਦਾ ਮਕਸਦ ਇਹ ਯਕੀਨੀ ਬਣਾਉਣਾ ਹੈ ਕਿ ਵਿਦਿਆਰਥੀਆਂ ਨੂੰ ਮਹਿੰਗੀ ਕੋਚਿੰਗ ਦਾ ਸਹਾਰਾ ਨਾ ਲੈਣਾ ਪਵੇ ਅਤੇ ਉਹ ਸਕੂਲ ਪੱਧਰ ’ਤੇ ਹੀ ਗੁਣਵੱਤਾ ਭਰਪੂਰ ਮਾਰਗਦਰਸ਼ਨ ਹਾਸਲ ਕਰ ਸਕਣ। ਸਿੱਖਿਆ ਮੰਤਰਾਲਾ ਵੀ ਇਸ ਸਮੇਂ ਇਹ ਸਮੀਖਿਆ ਕਰ ਰਿਹਾ ਹੈ ਕਿ ਜੇਈਈ ਤੇ ਨੀਟ ਵਰਗੇ ਪੇਪਰ 12ਵੀਂ ਦੇ ਸਿਲੇਬਸ ਨਾਲ ਕਿਸ ਹੱਦ ਤੱਕ ਮੇਲ ਖਾਂਦੇ ਹਨ ਅਤੇ ਔਖਿਆਈ ਕਾਰਨ ਕਿਤੇ ਵਿਦਿਆਰਥੀਆਂ ਨੂੰ ਵਾਧੂ ਕੋਚਿੰਗ ਲੈਣ ਲਈ ਤਾਂ ਮਜਬੂਰ ਨਹੀਂ ਕਰ ਰਿਹਾ।