ਪਨਬਸ ਕੰਟਰੈਕਟ ਵਰਕਰ ਯੂਨੀਅਨ ਵੱਲੋਂ 12 ਵਜੇ ਤੋਂ ਲੈ ਕੇ 5 ਵਜੇ ਤੱਕ ਜਲੰਧਰ ਬੱਸ ਅੱਡਾ ਕੀਤਾ ਬੰਦ

ਜਲੰਧਰ, (ਮੇਜਰ ਟਾਈਮਸ ਬਿਉਰੋ
ਪਨਬਸ ਕੰਟਰੈਕਟ ਵਰਕਰ ਯੂਨੀਅਨ ਵੱਲੋਂ 12 ਵਜੇ ਤੋਂ ਲੈ ਕੇ 5 ਵਜੇ ਤੱਕ ਜਲੰਧਰ ਬੱਸ ਅੱਡਾ ਬੰਦ ਕੀਤਾ ਗਿਆ ਜਿਸ ਦਾ ਐਸਸੀਬੀਸੀ ਯੂਨੀਅਨ ਵੱਲੋਂ ਸਮਰਥਨ ਕੀਤਾ ਗਿਆ । ਇਹ ਬੰਦ ਵਰਕਰਾਂ ਨੂੰ ਤਨਖਾਵਾਂ ਨਾ ਮਿਲਣ ਕਰਕੇ ਕੀਤਾ ਗਿਆ। ਜਾਣਕਾਰੀ ਦਿੰਦੇ ਹੋਏ ਦਲਜੀਤ ਸਿੰਘ ਚੇਅਰਮੈਨ ਸਤਪਾਲ ਸਿੰਘ ਸੱਤਾ ਪ੍ਰਧਾਨ ਨੇ ਦਸਿਾ ਕਿ ਤਕਰੀਬਨ ਹਰ ਮਹੀਨੇ ਹੀ ਪੰਜਾਬ ਰੋਡਵੇਜ਼ ਵਿੱਚ ਕੰਮ ਕਰਦੇ ਇਹਨਾਂ ਵਰਕਰਾਂ ਦੀ ਤਨਖਾਹ ਦਾ ਕੋਈ ਨਾ ਕੋਈ ਰੌਲਾ ਪੈ ਜਾਂਦਾ ਹੈ, ਜਿਸ ਕਾਰਨ ਤਨਖਾਵਾਂ ਵਿੱਚ ਬੇਲੋੜੀ ਦੇਰੀ ਹੋ ਜਾਂਦੀ ਹੈ। ਇਸ ਦਾ ਮੁੱਖ ਕਾਰਨ ਟਰੈਕਟਰ ਦਫਤਰ ਚੰਡੀਗੜ੍ਹ ਹੈ ਕਿਉਂਕਿ ਅਫਸਰ ਸ਼ਾਹੀ ਇਹਨਾਂ ਦੀਆਂ ਤਨਖਾਵਾਂ ਦਾ ਠੇਕੇਦਾਰ ਨਾ ਹੋਣ ਕਾਰਨ ਕੋਈ ਢੁਕਵਾਂ ਪ੍ਰਬੰਧ ਨਹੀਂ ਕਰਦੀ ਜਦਕਿ ਪਨਬਸ ਦੇ ਅਦਾਰੇ ਨੂੰ ਆਪਣੇ ਅਕਾਊਂਟ ਵਿੱਚੋਂ ਹੀ ਇਹਨਾਂ ਵਰਕਰਾਂ ਨੂੰ ਤਨਖਾਹ ਦੇਣੀ ਚਾਹੀਦੀ ਹੈ। ਜਿਸ ਵੱਲ ਬਿਲਕੁਲ ਧਿਆਨ ਨਹੀਂ ਦਿੱਤਾ ਜਾ ਰਿਹਾ ਇਹ ਵਰਕਰ ਲਗਾਤਾਰ ਡਿਊਟੀ ਕਰਦੇ ਹਨ ਅਤੇ ਫਿਰ ਵੀ ਇਹਨਾਂ ਵਰਕਰਾਂ ਨੂੰ ਤਨਖਾਹਾਂ ਲਈ ਸੰਘਰਸ਼ ਕਰਨਾ ਪੈਂਦਾ ਹੈ ਜਿਸ ਕਰਕੇ ਨਾ ਤਾਂ ਮਹਿਕਮਾ ਇਸ ਬਾਰੇ ਕੁਝ ਸੋਚਦਾ ਹੈ ਅਤੇ ਨਾ ਹੀ ਟਰਾਂਸਪੋਰਟ ਮੰਤਰੀ ਇਸ ਵੇਲੇ ਕੋਈ ਨਿਰਨਾ ਲੈ ਰਿਹਾ ਹੈ ਜੇਕਰ ਕੱਲ 12 ਵਜੇ ਤੱਕ ਤਨਖਾਵਾਂ ਨਾ ਪਾਈਆਂ ਗਈਆਂ ਤਾਂ ਵਰਕਰ ਕੋਈ ਵੱਡਾ ਐਕਸ਼ਨ ਲੈਣ ਨੂੰ ਮਜਬੂਰ ਹੋਣਗੇ । ਇਸ ਐਕਸ਼ਨ ਦਾ ਐਸਸੀਬੀਸੀ ਯੂਨੀਅਨ ਸਮਰਥਨ ਕਰਦੀ ਹੈ ਅਤੇ ਕਰਦੀ ਰਹੇਗੀ ਕਿਉਂਕਿ ਸਰਕਾਰਾਂ ਮੁਲਾਜ਼ਮ ਮਾਰੂ ਨੀਤੀ ਅਪਣਾ ਰਹੀਆਂ ਹਨ ਬੱਸ ਸਟੈਂਡ ਤੇ ਬੰਦ ਦੌਰਾਨ ਦਲਜੀਤ ਸਿੰਘ ਚੇਅਰਮੈਨ ਸਤਪਾਲ ਸਿੰਘ ਸੱਤਾ ਪ੍ਰਧਾਨ ਹਰਜਿੰਦਰ ਸਿੰਘ ਸੂਬਾ ਮੀਤ ਪ੍ਰਧਾਨ ਰਾਣਾ ਰਣਜੀਤ ਸਿੰਘ ਸੈਕਟਰੀ ਕੁਲਵਿੰਦਰ ਸਿੰਘ ਸੈਕਟਰੀ ਅਭਿਨਵ ਸੂਦ ਜਲੰਧਰ ਵਨ ਅਤੇ ਬਲਜੀਤ ਸਿੰਘ ਸੂਬਾ ਪ੍ਰਧਾਨ ਪੰਜਾਬ ਹਾਜ਼ਰ ਸਨ ।