ਵਿਦਿਆਰਥੀਆਂ ਨਾਲ ਭਰੀ ਬੱਸ ਨੂੰ ਸ਼ਿਮਲਾ ਬਾਈਪਾਸ ਰੋਡ ‘ਤੇ ਲੱਗੀ ਅੱਗ, ਤਾਮਿਲਨਾਡੂ ਤੋਂ ਜੈਪੁਰ ਅਤੇ ਮਨਾਲੀ ਟੂਰ ‘ਤੇ ਨਿਕਲੇ ਸਨ ਵਿਦਿਆਰਥੀ

ਤਾਮਿਲਨਾਡੂ ਤੋਂ ਉੱਤਰਾਖੰਡ ਘੁੰਮਣ ਆਏ ਵਿਦਿਆਰਥੀਆਂ ਨਾਲ ਭਰੀ ਬੱਸ ਨੂੰ ਸ਼ਿਮਲਾ ਬਾਈਪਾਸ ਰੋਡ ‘ਤੇ ਅੱਗ ਲੱਗ ਗਈ। ਤੁਰੰਤ ਵਿਦਿਆਰਥੀਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ। ਫਾਇਰ ਬ੍ਰਿਗੇਡ ਦੀ ਟੀਮ ਨੇ ਮੌਕੇ ‘ਤੇ ਪਹੁੰਚ ਕੇ ਅੱਗ ‘ਤੇ ਕਾਬੂ ਪਾਇਆ। ਪੁਲਿਸ ਅਨੁਸਾਰ ਤਾਮਿਲਨਾਡੂ ਤੋਂ ਵਿਦਿਆਰਥੀਆਂ ਦਾ ਇੱਕ ਦਲ ਘੁੰਮਣ ਲਈ ਹਰਿਦੁਆਰ ਪਹੁੰਚਿਆ ਸੀ। ਵੀਰਵਾਰ ਨੂੰ ਵਿਦਿਆਰਥੀ ਹਰਿਦੁਆਰ ਤੋਂ ਐੱਫ.ਆਰ.ਆਈ. (FRI) ਜਾ ਰਹੇ ਸਨ। ਉਸ ਤੋਂ ਬਾਅਦ ਉੱਥੋਂ ਮਨਾਲੀ ਲਈ ਰਵਾਨਾ ਹੋਣਾ ਸੀ। ਸ਼ਿਮਲਾ ਬਾਈਪਾਸ ਰੋਡ ‘ਤੇ ਸੇਂਟ ਜਿਊਡਸ ਚੌਕ ਦੇ ਕੋਲ ਜਦੋਂ ਬੱਸ ਵਿੱਚੋਂ ਧੂੰਆਂ ਨਿਕਲਣ ਲੱਗਿਆ ਤਾਂ ਤੁਰੰਤ ਵਿਦਿਆਰਥੀਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ। ਪੁਲਿਸ ਅਤੇ ਫਾਇਰ ਬ੍ਰਿਗੇਡ ਦੀ ਟੀਮ ਨੇ ਬਚਾਅ ਮੁਹਿੰਮ ਚਲਾਈ।